FENOMENA PUISI SI TAKLUK JAGAT
TORUK MACTO
TORUK MACTO
Eden dah posan mo kau
Beghapo kali dah den koba an
Eden ni macam ceghomin
Kok sonyum ekau mo den
Eden sonyum la balik mo kau
Kok ekau unjuk an penumbuk dokek den
Eden pun unjuk an balik la penumbuk dokek kau
Susah ko kau nak paham?
Nak den sengkelet an kepalo tu baru kau nak soda?
Eden ni tang kocik omak ayah den ajar budi pekoti
Kok bagi orang barang jangan bagi ngan tangan kiri
Kok orang tolong kito, kito kono cakap timo kasih
Kok oghang buek kito, kito cubo jangan baleh
Omak den koba macam tu la dalam kitab tulih
Tang guno tangan mano ngan timo kasih tu den ikut
Tapi kok orang buek kito takkan nak ontok yo kot?
Kok orang kotuk kito takkan nak nyuruk dalam selimut?
Dah bosa ni biar la den pilih jalan den sendighi
Sobab den tengok bangso den ni selalu bona kono buli
Doghuih tu den donga dah start cakap sensorang
Tu la padah e ontok yo bilo kono pijak dek orang
Manusio nijam bukan bulih bona di boghi muko
Dapek pijak kaki lelamo sok sampai pijak kepalo
Sampai bilo kau nak bagi badan kau kono sepak terajang?
Nabi dulu pun toghuk bona kono sikso lelamo angkek podang
Eden ni bukan e jonih Melayu lamo
Bangso yang dulu duduk bawah tempurung kelapo
Meghato dah den merantau satu dunio
Bab makanan ni macam-macam dah den jumpo
Asalkan halal yo semuo den bantai makan
Masak lomak cili api den hontam, steak pun den tolan
Tang minuman ni pulak jangan la try mongak an den
Kok kau nak margarita tu den bulih buek an bergelen-gelen
Omputih ghaso screw driver den sampai angkek ibu jari
Pak Arab minam tequila den sampai merangkak bawah tv
Heiii ...
Ni la jadi e dah pukul tigo pagi mato taknak pojam
Mulo la cito Avatar yang den tengok tadi den nak salah an?
Apo yang melinteh kek kepalo semuo den tulih yo
Sampai an namo burung rasakso tu pun bulih jadi tajuk ceghito
Melalut-lalut pulak lopeh tu ceghito pasal bangso
Eden ni dah buang tebiat ko?
Nak wudhu' jap lah
Daripado merapik tak tontu halo
Baik Tahajjud dapek gak pahalo
Nak doa an omak ayah den sentiaso diberkati
Semugo keluargo den sentiaso dirahmati
Kawan-kawan den dipermudahkan urusan
Martabat bangso den pulak makin ditinggi an
Dan doa umpuk den pulak?
Ya Allah, kau tunjuk an la den sebaik-baik jalan
Nukilan: Si Takluk Jagat
Gemas, Negeri Sembilan
31 Ogos 2018
Eden dah posan mo kau
Beghapo kali dah den koba an
Eden ni macam ceghomin
Kok sonyum ekau mo den
Eden sonyum la balik mo kau
Kok ekau unjuk an penumbuk dokek den
Eden pun unjuk an balik la penumbuk dokek kau
Susah ko kau nak paham?
Nak den sengkelet an kepalo tu baru kau nak soda?
Eden ni tang kocik omak ayah den ajar budi pekoti
Kok bagi orang barang jangan bagi ngan tangan kiri
Kok orang tolong kito, kito kono cakap timo kasih
Kok oghang buek kito, kito cubo jangan baleh
Omak den koba macam tu la dalam kitab tulih
Tang guno tangan mano ngan timo kasih tu den ikut
Tapi kok orang buek kito takkan nak ontok yo kot?
Kok orang kotuk kito takkan nak nyuruk dalam selimut?
Dah bosa ni biar la den pilih jalan den sendighi
Sobab den tengok bangso den ni selalu bona kono buli
Doghuih tu den donga dah start cakap sensorang
Tu la padah e ontok yo bilo kono pijak dek orang
Manusio nijam bukan bulih bona di boghi muko
Dapek pijak kaki lelamo sok sampai pijak kepalo
Sampai bilo kau nak bagi badan kau kono sepak terajang?
Nabi dulu pun toghuk bona kono sikso lelamo angkek podang
Eden ni bukan e jonih Melayu lamo
Bangso yang dulu duduk bawah tempurung kelapo
Meghato dah den merantau satu dunio
Bab makanan ni macam-macam dah den jumpo
Asalkan halal yo semuo den bantai makan
Masak lomak cili api den hontam, steak pun den tolan
Tang minuman ni pulak jangan la try mongak an den
Kok kau nak margarita tu den bulih buek an bergelen-gelen
Omputih ghaso screw driver den sampai angkek ibu jari
Pak Arab minam tequila den sampai merangkak bawah tv
Heiii ...
Ni la jadi e dah pukul tigo pagi mato taknak pojam
Mulo la cito Avatar yang den tengok tadi den nak salah an?
Apo yang melinteh kek kepalo semuo den tulih yo
Sampai an namo burung rasakso tu pun bulih jadi tajuk ceghito
Melalut-lalut pulak lopeh tu ceghito pasal bangso
Eden ni dah buang tebiat ko?
Nak wudhu' jap lah
Daripado merapik tak tontu halo
Baik Tahajjud dapek gak pahalo
Nak doa an omak ayah den sentiaso diberkati
Semugo keluargo den sentiaso dirahmati
Kawan-kawan den dipermudahkan urusan
Martabat bangso den pulak makin ditinggi an
Dan doa umpuk den pulak?
Ya Allah, kau tunjuk an la den sebaik-baik jalan
Nukilan: Si Takluk Jagat
Gemas, Negeri Sembilan
31 Ogos 2018
No comments:
Post a Comment